CURSO «O ABC DA AGRICULTURA ORGÁNICA»
Curso de tres días da man dun dos maiores referentes da agricultura orgánica a nivel mundial: Jairo Restrepo Rivera.
O equipo formativo
Jairo Restrepo, enxeñeiro agrónomo, consultor e formador, leva máis de 35 anos compartindo coñecemento e experiencias arredor da agricultura orgánica. É coñecido polo seu proxecto “La mierda de vaca” e polos máis de 30 países nos que impartiu cursos. Nado en Colombia e residente en Brasil, leva toda a súa vida traballando en técnicas para mellorar a fertilidade e a vida dos chans, reducindo a dependencia de produtos externos e apostando por unha agricultura respectuosa co medio.
Contido do curso
Aprenderemos, de forma práctica e participativa, como:
-
Aumentar a fertilidade do chan e mantelo vivo.
-
Aproveitar mellor os recursos naturais locais.
-
Reducir a dependencia dos insumos de fóra.
-
Recuperar o control sobre as explotacións e gañar autonomía.
Duración: 24 Horas