Entre aceites e plantas: descubre o mundo dos xabóns naturais

Elaborar xabón natural na casa permítenos coñecer e controlar os ingredientes que utilizamos na nosa hixiene diaria.
É unha forma de recuperar coñecementos tradicionais e desenvolver habilidades prácticas de elaboración artesanal.
Ademais, pode contribuír a reducir envases e fomentar un consumo máis consciente e sostible.
Unha actividade sinxela e creativa que nos conecta coa natureza e nos invita a valorar o que podemos crear coas nosas propias mans.

Por que é interesante aprender a facer os nosos propios xabóns?

• Coñecer o que utilizamos sobre a nosa pel. Aprenderemos a identificar os ingredientes e a seleccionar materias primas axeitadas para elaborar produtos de hixiene máis sinxelos e personalizados.
• Recuperar coñecementos e técnicas tradicionais. A elaboración artesanal de xabón é unha práctica tradicional que nos permite recuperar saberes vinculados ao aproveitamento dos recursos e á elaboración caseira.
• Unha alternativa máis sostible. Crear os nosos propios produtos pode axudarnos a reducir envases, fomentar un consumo responsable e valorar alternativas máis respectuosas co medio ambiente.
• Aproveitar ingredientes naturais. Coñeceremos as propiedades de diferentes aceites, plantas e outros ingredientes que poden incorporarse ás elaboracións.
• Fomentar a autonomía e a creatividade. Facer xabón é unha actividade práctica que nos permite experimentar, crear diferentes fórmulas, aromas e acabados, desenvolvendo a nosa autonomía.
• Unha actividade para gozar e compartir. Ademais de aprender unha nova habilidade, é unha experiencia creativa e participativa que nos conecta cos procesos artesanais e cunha forma de consumo máis consciente.

Un obradoiro para aprender, experimentar e recuperar o pracer de crear coas nosas propias mans.

I. Introdución á xabonería artesanal: principios da saponificación, materias primas (aceites, álcalis, líquidos e aditivos) e normas de seguridade.
II. Elaboración conxunta dunha fórmula de xabón mediante proceso en frío, combinando diferentes aceites vexetais. Cada participante levará o xabón elaborado.
III. Elaboración O xabón afeltrado que é unha pastilla de xabón natural recuberta con lá de ovella, que actúa como unha esponxa suave e axuda a exfoliar e coidar a pel.
IV. Extracción do aceite a partir de oleatos: técnicas de maceración, filtrado e aplicación dos extractos oleosos na formulación de xabóns.