Funcións desenvolvidas e outros datos de interese

O obxecto social da Sociedade comprenderá a xestión de servizos vinculados ao ciclo integral da auga, en particular, incluirá a posibilidade de planificar, proxectar, executar e explotar as actuacións e instalacións que resulten necesarias para estes efectos, así como a realización das funcións relacionadas cos servizos hidráulicos que resulten precisas e que requira a normal prestación do servizo.

Así mesmo, formará parte do obxecto social a produción de enerxía, así como a análise, deseño, promoción, difusión, desenvolvemento e implementación de boas prácticas, estratexias e tecnoloxías vinculadas ao funcionamento, sustentabilidade e mobilidad urbana.
As actividades enumeradas nos precedentes parágrafos poderán ser desenvoltas por esta Sociedade de modo directo ou indirecto, total ou parcialmente, segundo a natureza do servizo ou actividade a desenvolver, podendo facelo así mesmo mediante participación noutras sociedades con obxecto idéntico ou análogo.

Poderá realizar, mediante os oportunos acordos, os mesmos fins noutros municipios, Organismos, Corporacións e Entidades públicas ou privadas.

A Sociedade poderá adquirir accións ou tomar participacións doutras sociedades de idéntico ou análogo obxecto, para o desenvolvemento dos propios desta Sociedade, mediante a subscrición de acciones ou participacións na fundación ou aumento de capital das mesmas ou a adquisición delas por calquera título, realizando contratos de colaboración, execución e xestión que foren precisos.